Өлең, жыр, ақындар

Бұл дүниеде ең тәтті не, білдің бе?

  • 17.11.2020
  • 0
  • 1
  • 6931
Жанды тербеп жақсылықтың сый-үні,
Мойындайды мұны жұрттың дүйімі.
Адамзатқа әлімсақтан құдірет,
Ана деген - ұлылықтың биігі.

Ақиқатты қоя алмайды бүгіп ар,
Арқамызда аманаттың жүгі бар.
Мына әлемнен мейірімді іздесең,
Ол – ананың жүрегінде.
Ұғып ал.

Тілгілесе жанымды егер өткір мұң,
Көз жасымды жаулығымен кептірдім.
Ау, адамзат, адалдықты іздесең,
Ол - өзіңнің асыл анаң деп білгін.

Қашаннан-ақ қасиеттің мысалы,
Бауырына бар адамды қысады.
Кеңшіліктің баламасн іздесең,
Ол – ананың құшағы.

Жаныңызды шайған кезде сан ағын,
Серпіледі сартап болған сана мың.
Бұл дүниеде ең тәтті не, білдің бе?
Ол ақ сүті – ананың.

Мейірімсіз мына тірлік солады, ә...
Көңіліңіз осы айтқанға тола ма?
Жер бетіне шуақ шашқан күндейін,
Кешірімді жанды таны.
Ол – ана.

Жанды тербеп жақсылықтың сый-үні,
Мойындайды мұны жұрттың дүйімі.
Адамзатқа әлімсақтан құдірет,
Ана деген - ұлылықтың биігі!..



Пікірлер (1)

Ана туралы

Өлең

Пікір қалдырыңыз

Бүгін сенің туған күнің..

  • 0
  • 0

Бүгін сенің туған күнің,
Бара алмаймын гүл алып.
Көзімді жас жуған бүгін,
Шаттанбаймын қуанып.

Толық

Мен бармын ғой!...

  • 0
  • 0

Санамалап сезімдердің түр-түсін,
Жабығумен күте көрме, жыл құсын,
Керек етпе, өзгелердің күлкісін -
Мен бармын ғой!

Толық

Жас ақынға...

  • 0
  • 0

Көрмек болып дүниенің дауылын,
Таңдадың ба, ұлы өнердің ауырын?
Ақындықтың жолын таңдап тайқылау,
Арманына қадам басқан бауырым!

Толық

Қарап көріңіз