Өлең, жыр, ақындар

Табылды суретшіге

  • 16.03.2021
  • 0
  • 0
  • 573
«Аяз би» деп ат қойыпсың
картинаңа тамаша...
Ашық аспан, шеберлік пен
қанық бояу жарасар.
Құдырет деп, сүгірет деп
Қылқаламның иесін
Мақтап тұрдық.
Еске алысып
тарих-тағлым үлесін...
«Жаманмын» деп таныстырған
Күс-күс аяқ қойшы өзін,
Өңшең уәзір құлақ асқан
Сөзін еске ал, ойша өзің...
Жаман болса, жаман болар,
Өрім-өрім киімі,
Қой соңында салпаңдаған
Келіспей тұр сиығы...
Хан сынаған сол Жаманды,
Жаман ханды сынайды.
Жеті атасын айтып берсе
Жаңылмаған сыңайлы!
Жаман-жұман сырт пішіні!
Би боп тынды ақыры ол,
Тым құпия ішкі сыры
Шын асылдың заты сол!



Пікірлер (0)

Пікір қалдырыңыз

Сағынтып жылдар арада

  • 0
  • 0

Толқының тербеп жанымды
Сағынтқан сырбаз Жайығым.
Жағаңа тағзым етуге
Жете алмай жүрмін – айыбым.

Толық

Сені аядым...

  • 0
  • 0

«Бөлшектенсе, жан-дүние бөлшектенсін,
Көрінбесе, кім оны өлшеп көрсін,
Түгел болсам сырт көзге, болды» - дедің
Жұрттың көзін өзіңе өлшем көріп..

Толық

Көкжиектен күлімдеп шықты күнім

  • 0
  • 0

Көкжиектен күлімдеп шықты күнім.
Әппақ гүлдің ернінде қалған тұнып,
Мөп-мөлдір шық етеді жымың-жымың.
Ағытылды жүректен бұла жырым.

Толық

Қарап көріңіз