Өлең, жыр, ақындар

Есімде еді

  • 31.03.2021
  • 0
  • 0
  • 436
Есімде еді, есіңде еді,
Бізбен бірге талдардың шешінгені.
Қимылымды құп алып, қарсы болмай,
Кінәлі ғып тастадың сосын мені.

Есіңде еді, есімде еді,
Тұсауыңның әп-сәтте кесілгені.
Өміріңді бір күнде тәрк етіп,
Талап еттің тағы да сосын нені?

Есімде еді, есіңде еді,
Іңірде емес, кәдімгі бесінде еді.
Мен емеспін, алдымен сен қаладың,
Сол үшін де күнім-ау, кешір мені.

Есімде еді, есіңде еді,
Күңіренген жиектің тосын демі.
Ашық аспан астында... болды бәрі,
Есімде еді, есіңде еді...
Кұлы болып күдіктің,
Мен бәрін ұмыттым,
Сен де ұмыт!



Пікірлер (0)

Пікір қалдырыңыз

Аласа болмасын деп!

  • 0
  • 0

Қара түн дидарынан,
Ақ әлем жанарынан.
Мезгілден сый дарыған,
Кездерден жан арыған.

Толық

...тіледім...

  • 0
  • 0

Көкірегімде күйі ойнап күдіктің,
Қарқылдаймын қарға құсап мен неге?
Жымиюды һәм күлуді ұмыттым,
Күлдірме де, бүлдірме де, емдеме...

Толық

Екінші өмір

  • 0
  • 0

Кейде жындай көрінер көркемің де,
Өрт өмірде болады өртенуге.
Сұрап көрді өткенім ертеңімді,
Сұрақ белгі болмайды ертеңімде.

Толық

Қарап көріңіз