Өлең, жыр, ақындар

Әзіл-шыным

  • 12.04.2021
  • 0
  • 0
  • 634
Өн бойында жинағыңның
Жана береді екенсің,
Таңданып та, тамсанып та.
Тала береді екенсің.
Өзіңді өзің мысал етіп,
Ала береді екенсің
Бірақ та сол жанамынмен
Қала береді екенсің.
Тез тұтанған тез сөнеді,
Қалмауы да сүлдесі.
Абайлашы, ақын досым,
Сөніп қалып жүрмеші!..
* * *
Емеспін мен ешкімнен артық адам,
Емеспін құр көкірек жарты да адам.
Өмірге өтесем де, алсам да одан,
Ешкімнің несібесін қарпымағам.
Ерекше маңдайым жоқ жарқыраған,
Білемін пендешілік салтын адам...
Қынжылман аз бақытты қимағанға,
Мен көбін тағдырымнан тартып алам.
Еңбекпен таң атқызып, күн батқызам,
Сөзімді халқыма айтам, тыңдатқызам,
Қол соққызып қолпаштау тілемейтін
Жырымды болашаққа бұлдатқызам.
Қазақтың бір қызымын – Тұрсынханмын,
Бұлдымын ауылына жыр сұлтанның.
Жыр өлмесе, мен де өлмен, жыр үстінде
Шапағы алаулаған тұрсын таңның.



Пікірлер (0)

Пікір қалдырыңыз

Дала тынысы

  • 0
  • 0

Көп таңдайды тамсандырған сұлудай,
Торғын киіп келді толқып сұлу Май.
Көгілдір көк – айдынды көл, ақша бұлт,
Еркін жүзген оның кербез қуындай.

Толық

Пысықтығың жақсы егер ісің таза

  • 0
  • 0

Пысықтығың жақсы егер ісің таза
Жүрсең адал ешкімге бермей наза.
Біреуді алдап, біреуді арбап «Пысық!»
Атанғаннан артық қой жеткен қаза.

Толық

Сәлем, әсем Өскемен!

  • 0
  • 0

Сәлем әсем айтулы қала, Өскемен!
Тарихың терең, тағдырың бүгін өскелең.
Қатар бой түзеп, тетелес тату құрбың-ай
Иық тіресіп Семеймен егіз өскен ең.

Толық

Қарап көріңіз