Өлең, жыр, ақындар

Тарқатшы бұрымыңды, тоты құсым

  • 12.04.2021
  • 0
  • 0
  • 501
Тарқатшы бұрымыңды, тоты құсым,
Ұнайды маған солай отырысың.

Айналдым мен керiлген қабағыңнан,
Жүректi көздеп атқан жанарыңнан.

Тарқатшы маған айтып сен мұңыңды,
Аялап мәпелейiн мен гүлiмдi.

Айналдым тал бойыңнан, тал шыбығым,
Көктемде сөнбейтiн боп жаншы, Күнiм.

Тарқатшы буған-түйген ашуыңды,
Маған-ақ тасташы сол жасыныңды.

Айналдым әзiлiңнен, әдебiңнен,
Ғашықтық, сен осындай әдемi ме ең?!

Тарқатшы бұлтың болса көңiлiңде,
Мөп-мөлдiр көргiм келер сенi күнде.

Айналдым күлуiңнен, қылығыңнан,
Айналдым тарқатылған бұрымыңнан.

Тарқатшы, тарқат бәрiн, тоты құсым,
Керемет сенiң осы отырысың!



Пікірлер (0)

Пікір қалдырыңыз

Іздемесем шарқ ұрып, кез келмес те ең

  • 0
  • 0

Іздемесем шарқ ұрып, кез келмес те ең,
Тауып алғам мен сені көз көрместен.
Өзгерсе де дүние, жап-жас күйде
Махаббатым қалады өзгерместен.

Толық

Жел бесiктей әлдилейтiн менiң iңкәр жанымды

  • 0
  • 0

Жел бесiктей әлдилейтiн менiң iңкәр жанымды,
Желпуiштей желпитұғын сенiң сұлу жаныңды –
Бiз қосылып айтатұғын әндердi бiз сағындық,
Бiз қосылып айтатұғын әндер бiздi сағынды.

Толық

Сұлулыққа құмартпайтын бар ма адам

  • 0
  • 0

Сұлулыққа құмартпайтын бар ма адам,
Оны көрсе, мылқау жүрек сарнаған.
Желөкпелер желіп өтіп қасыңнан,
Сүймесе де, саған өлең арнаған.

Толық

Қарап көріңіз