Өлең, жыр, ақындар

Адамға сірә ұнамас ойдан

  • 13.04.2021
  • 0
  • 0
  • 902
Адамға сірә ұнамас ойдан,
Егіліп ерте жыламашы, айнам.
Кеудеңнен ерке бұлақ аш, айнам,
Түсінбес жаннан тұра қаш, айнам.
Менің де қанша сөгілмеді үнім,
Еріксіз ерте егілме, күнім.
Тағдырдан қырсық жеңілме, күнім,
Гүліндей қырдың төгілме, күнім.
Қасыңда болман күнде мен, еркем,
Досым көп мені күндеген ертең.
Жайраңдап маған еркелей сөйлеп,
Ешкім де әлі жүрмеген, еркем.
Қасыма жақын келмеген де адам,
Шай құйып ешкім бермеген маған.
Мойнымнан құшып, сүймек түгілі,
Өмірі мені көрмеген балам.
Егіліп ерте жыламашы, айнам,
Көңіліңнен маған бұлақ аш, айнам.
Еркелеп келші қасыма менің,
Тазарсын дерттен, мына бас ойдан.



Пікірлер (0)

Пікір қалдырыңыз

Өлең маған ғашық-ау, мен өлеңге

  • 0
  • 0

Өлең маған ғашық-ау, мен өлеңге,
Ұқсаймыз ба Қыз Жібек–Төлегенге.
Айнымайтын
Отаным бала-шағам

Толық

Басым да мың-дың

  • 0
  • 0

Басым да мың-дың, айналам мың-дың, мың-дыңмын,
Бір кіріп есі, бір шығып жүрген жындыңмын.
Есебін таппай тіршілік деген құрғырдың,
Жібіне жырдың қыл мойынымнан қылғындым.

Толық

Сөзіме онша сене бермейсің

  • 0
  • 0

Сөзіме онша сене бермейсің,
Өлемін десем, өле бер дейсің.
Алдыңда сенің пенде екенімді,
Елемегенсіп неге көрмейсің!

Толық

Қарап көріңіз