Әбілда Аймақ

Түнді кінәла, бәрібір күнді кінәла

Бұл бетте «Түнді кінәла, бәрібір күнді кінәла» атты Әбілда Аймақ жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

15.04.2021
0
0
801

Түнді кінәла, бәрібір күнді кінәла,
Бұл өмірдің қалады сұмдығы ғана.
Ерегіскенде не табам пиғылы жатпен,
Болғаннан соң жүрегі, кіндігі қара.
Бүгін де үйдің кезекті қызынды лаңы,
Қожайынның тағы да «бұзылды қаны»
Итіне дейін басынып, сирақтан тістеп,
Безеубеттер бүйірден бізін тығады.
Қақталған күнге жаным да терідей еді,
Өмірдің мендік өзгермес өлідей өңі.
Сайқалданған бойжеткен сызданып тұрып,
Сағызын шайнап әйнекке бедірейеді.
Дән емес пе екем суыққа үсіп, өнетін,
Қызық күн қайда, Құдай-ау түсіме енетін?
Олай да бұлай мойынды бұрғызбай әсте
Осы шығар у деген ішіп өлетін.

Әбілда Аймақ түнді кінәла бәрібір күнді кінәла Әбілда Аймақ өлеңдері

Пікірлер (0)

Пікір қалдырыңыз

Жиі қойылатын сұрақтар