Өлең, жыр, ақындар

«Алла» деп оянады несібелі ер

  • 15.04.2021
  • 0
  • 0
  • 738
«Алла» деп оянады несібелі ер,
Алланы пір тұтқан жан өсіп-өнер.
Ұмытқан сәттерім көп иманымды,
Я, Алла, өзің мені кешіре көр!
Сәждеге басымды иіп көрмеген ем,
Шайтанның ісі болды мендегі өлең.
«Махаббат» деп шарапқа тойыңқырап,
Жыладым зарлы жоқтай елде менен
Кітабын дінсіздердің парақтадым,
Пақырға жеті теңге таратпадым.
Тілімді кәлимаға келтірмедім,
Сондықтан жол бермеді жаратқаным.
Я, Құдай, шек келтірмен кеңдігіңе,
Тобаға келіп тұрмын енді, міне.
Мен дағы Мұхаммедтің үмбеті едім,
Заманның қарғыс айтқан кер күніне.
Қираса сенен шығар көшім егер,
Қор болды ессіз ойға есіл өнер.
Құрысын шарабы да, сүйгені де
Я, Алла, иманды қыл, кешіре гөр!



Пікірлер (0)

Пікір қалдырыңыз

Мінәжат

  • 0
  • 0

Ей, Есім хан, Абылай ояныңдар, тұрыңдар,
Сахилықтың жолында күйдіреді ұлыңды ар.
Тірілерден бір қайыр болмаған соң дорба алып,
Қол сілтедім тірлікке ертең жоқ та, бүгін бар.

Толық

Өмірім менің поэма

  • 0
  • 0

Өмірім менің поэма,
Өмірім менің роман.
Аяма тағдыр, аяма,
Аяған жоқ қой бір адам?

Толық

Тұншығып ойға сенделемін де

  • 0
  • 0

Тұншығып ойға сенделемін де,
Жалықтық әбден мен де, өлеңім де.
Көктемнің нұры жауратты мені,
Апыр-ай, шыннан келмегенің бе?

Толық

Қарап көріңіз