Өлең, жыр, ақындар

Тойдағы тілек

  • 23.04.2021
  • 0
  • 0
  • 441
Құлшынып келешекке құлаш ұрған,
Бүгінгі қуанышты сұра Сырдан:
Той бүгін, бір ұлының бақыт тауып,
Бақтардай көктемдегі гүлі ашылған.
Сұлу Сыр, кетпес, сірә, бұл есіңнен,
Арнада көңіл шіркін бір есілген;
Ақтарды ел ата-анаға ақ тілегін,
Мәпелеп қыз өсірген, ұл өсірген.
Құттықтап сүйкімді қыз, сүйікті ұлды,
Аспан да аппақ нұрын құйып тұрды.
Ағарған сүттей болып ақ пейілден, –
Кім көрген мұндай мақпал тұнық түнді.
Достардың жаны – жайлау, тай – астында,
Той қызып, қалқып жүрміз ай астында.
Ер көңіл мерейі өсіп жігіттің де,
Жайнаған жаны гүлдей аяштың да.
Би қалқып, ән шарықтап, жыр қызғанда,
Құмартып түнгі аспан да ұл-қыздарға;
Қондырып ай – қарбызын дастарқанға,
Шашылды бауырсақ боп жұлдыздар да.
Сүйсініп ақ көңіл мен пәк санаға,
Марқайған жарқын жеңгей, жақсы аға да;
Қос Сырдың қосыла аққан арнасында,
Шарқ ұрған көңіліміз – ақ шағала.
Достықтың гүлі жайнап жүрегімде,
Ақтарылды менің ақ тілегім де.
Шығандап, шырқап көкке көңіл шіркін,
Бір қызық той боп жатты Сыр елінде...



Пікірлер (0)

Пікір қалдырыңыз

Сен ұялшақ қыз едің

  • 0
  • 0

Сен ұялшақ қыз едің, Мен ұяңдау ұл едім.
Сен деп соғып жүрегім, Сел боп тасып жүр едім.
Сен алманың гүлі едің, Мен қайыңның бүрі едім.
Жанымда боп бір бақта, Жайнауыңды тіледім.

Толық

Сұлулық

  • 0
  • 0

Қарашы анау қайсар мінез құздарға,
Қабақ шытпас қаншама аптап, ызғарға.
Көкше деген нар жігіт қой, нар жігіт,
Нар жігітке наз артпайтын қыз бар ма?!

Толық

Айдыны асау, айбынды қандай көл еді

  • 0
  • 0

Айдыны асау, айбынды қандай көл еді,
Ақынның талай арналған әйбат өлеңі;
Айнашым менің, Арқаның кенже бөбегі,
Ажырап қалған аспанның әлде бөлегі?!

Толық

Қарап көріңіз

Басқа да жазбалар