Өлең, жыр, ақындар

Қыжыл

  • 20.12.2020
  • 0
  • 0
  • 696
Қабағы қатулы заманның түрінен,
Жүрегім шайлығып, түңілем.
Күннің де жылуы азайып,
Айым да ақ маңдай -
Көмескі тартқандай:
Мұңымның таппадым біріне ем.
Ей, Уақыт –
Бағымды ап қашқан ұры ма ең?
Тағдырдың ісі ғой –
Несіне кіжінем:
Теңіздер тартылып,
Жұтылып түбіне,
Таулар да күрсінер -
Ғасырлар мүжіген...
Сонда да,
Ішімде қайнайды қыжылым,
Күйреуде адамдық дейтұғын ұлы ұғым.
Сорынан арылтып батпандай,
Тәңірім - Алашқа жақ болғай!
...О, менің қарбалас ғұмырым –
Жасырып қылмыс пен былығын,
Шертиген шенділер жүргізген құзырын.
Ерлерім – тасада бұғынып,
Арулар – шорт кесті бұрымын,
Ертеңім не болар,
Беймаза – бүгінім?
Басымнан бәлекет арылмай,
Бөрідей ұлыдым.
Өзімнің жерімде еркінсіп жүрмедім,
Қолына телміріп, қайдағы кірменің.
Далам да уланып,
Қалам да уланып,
Санам да уланып - кірледім.
Тұранның қойнауы байлыққа тұнса да,
Қызығын білмедім.
Қаралы тарихтың қаншама сүрлеуін
өткеріп,
Шешкенмен азаптың күрмеуін,
Көсіліп жатуға көрпең де жетпейді:
Бір жері жыртылар,
Жамасаң бір жерін.
... Осы ма біз күткен Нұрлы Өмір?..



Пікірлер (0)

Пікір қалдырыңыз

Қазақстан

  • 0
  • 1

Бір Алла атты теңдессіз ғажап ұстаның,
Бойына жиған имани тазалық нәрін.
Төріңе қанша төнсе де қара дұшпаның,
Болашағы үшін бастарын бәйгеге тігіп,

Толық

Бойыма тәтті сезім дәнін еккен

  • 0
  • 0

Алып ұшып, шарқ ұрып көңіл жүрдек,
Көп ішінде жүргенде өзіңді іздеп,
Қапелімде қақ тіліп қара түнді,
Көгімнен жұлдыз болып көріндің кеп:

Толық

Әліппе қасиеті

  • 0
  • 0

Туған тілдің бастауы,
Әріптерден тараған.
Әліппеден ең алғаш,
Білім алған бар адам.

Толық

Қарап көріңіз