Өлең, жыр, ақындар

Қар жауып тұр немесе ақын Дәуітәлі Стамбековті еске алу

  • 21.09.2021
  • 0
  • 0
  • 542
Өтсін қанша көктем келіп, күз мейлі,
Ұлы дала бір үмітін үзбейді.
Ерте өткен менің асыл ағамды,
Тоқырауын толқындары іздейді.
Қайран Дәукем жанарыма жас келді,
Сүйдің сенде артыңа ерген жас төлді.
Арқа жақтан Серік досың келді іздеп,
Ұрпақтарың Алматыда ас берді.
Сый-сияпат көрмей кеткен асылым,
Өр көңілін бермей кеткен асылым.
Көше ақыны едің сенде аяулы,
Келе жатыр сенің нұрлы ғасырың.
Асыл ақын, ардақты ақын, дүр ақын,
Жыр мұнара соғу еді мұратың.
Сарыарқаның сары белінен асып кеп,
Қазақфильм ауданында тұратын.
Бал өмірді жүрегімен сүйгенмен,
Махаббаттың алауына күйгенмен.
Басқаратал жақта жатқан аруақтар,
Ақын ұлы өткен кезде күйзелген.
Сені іздейді жұлдыз аққан айлы аспан,
Айлы аспаннан мынау біздің қайғы асқан.
Қар жауып тұр көңіліндей Дәукеңнің,
Алматыда қар жауып тұр қоймастан.
Жүрегімде батпан-батпан жатыр мұң,
Алдымдағы ағаларға бас ұрдым.
Қар жауып тұр ұлы қазақ жеріне,
Көңіліндей Дәуітәлі ақынның.



Пікірлер (0)

Пікір қалдырыңыз

Білемін сіздер өшсіздер

  • 0
  • 0

Білемін сіздер өшсіздер,
Қан жоса болып үзіліп кеткен
Қаддафименен ыржақтап
суретке түскен ессіздер.

Толық

Жаратушым мені еркін

  • 0
  • 0

Жаратушым мені еркін жүрсін деген шығарсың,
Бұл өмірдің қадірін білсін деген шығарсың.
Анамды алып... жылап ап, күрсін деген шығарсың,
Асу бермес биікке ұмсын деген шығарсың.

Толық

Сен едiң қияда өскен түздiң гүлi

  • 0
  • 0

Сен едiң қияда өскен түздiң гүлi,
Жайсаңдар армандаған қыздың бiрi.
Екеумiз қоштаса алмай ұзақ тұрған,
Есiмде жиде ағашы, күздiң түнi...

Толық

Қарап көріңіз