Өлең, жыр, ақындар

Құс болып көкте бірде қалықтайсың

  • 31.05.2021
  • 0
  • 0
  • 632
Құс болып көкте бірде қалықтайсың,
біресе қолға тұрмас балықтайсың,
барасың күнің үшін сан айлаға,
апыр-ау, қалай ғана жалықпайсың?!
Әспеттеп ананы да, мынаныда,
ілмейсің ұлы сөзді құлағыңа,
кешегі кең сарайдай қайран көңіл
айналды ібілістің тұрағына.
Біресе "бірімін, деп, жалқаулардың",
алдында ағайынның аңқауландың,
жомарт та болғың келіп...
жолға қарап,
кісіге бесті беріп, алтауды алдың.
Өзіңнен үні бөлек,
күні бірге,
мақтадың бүлігін де, жүлігін де,
мақтадың өлермені, өктемін де,
шым батып кеткенін де жылым інге!
Қарайлап қалталыға, қолы ұзынға,
мақтадың қоңызын да, доңызын да,
жүргенің есекті де емексітіп,
жел беріп жеті атадан долы жынға.
Кісіге, кішіге де "сүйкімді" анық,
бірі едің ағайынның ұйқың қанық,
білмедім, сыйлымысың, күйлімісің, —
барады қимыл-ісің қиқымдалып!



Пікірлер (0)

Пікір қалдырыңыз

Осыншалық батырып таңда мұңға

  • 0
  • 0

Осыншалық батырып таңда мұңға,
тағдыр, мені тағы да алдадың ба? —
Алтын балық қолымнан сусып шығып,
құр әуресі қалыпты-ау қармағымда!

Толық

Ірі де емес еді елден денем

  • 0
  • 0

Ірі де емес еді елден денем,
жерім де жоқ кергіген, кердеңдеген,
қалайша қыр көрсетіп шыға келді
келімсек көкесіне сенген немең?!

Толық

Менің сырым

  • 0
  • 0

Шынымен қалғаным ба ұятқа анық,
... Кеудемнен ағыл-тегіл күй ақтарып.
Өзіме құдіреттей сенбеуші ме ем,
Бір ерлік жасайтын-ақ сияқтанып.

Толық

Қарап көріңіз