Өлең, жыр, ақындар

Өзгеріп шыға келіп өмір бірден

  • 31.05.2021
  • 0
  • 0
  • 500
Өзгеріп шыға келіп өмір бірден,
қалмады дейсің, қалқам, көңіл кімнен,
Әп-сәтте алабұртып төңірегім,
қаншама еңіредім,
егілдім мен!..
Қамығып көрмегендей бірі мендей,
кешегі қатарласым —
бүгін ермей,
Әп-сәтте қала берем шөгіп іштей
көңілім бордай болып үгілердей.
Тірлікте нала да бар,
жала да бар,
шақ та бар жұрт ішінде дара қалар, —
Амалсыз өзін-өзі оққа төсеп,
Жүрегің жазылмастай жараланар.
Аямай сен де бүгін тілімдедің,
оған да бүлінбедім, бүгілмедім —
неғұрлым жарам ауыр болған сайын,
шығып жүр ашығырақ үнім менің!
Ағаңды алдамаған бүгінде кім,
оған да бүлінбедім,
түңілмедім,—
Көңілім қалған сайын —
барған сайын
өтімді бола түсіп жырым менің!



Пікірлер (0)

Пікір қалдырыңыз

Отпын дер едім, шоқпын дер едім

  • 0
  • 0

Отпын дер едім, шоқпын дер едім,
онсыз да күймей тұрмыз ба;
ғашық боп көрген жоқпын дер едім
өзіңнен басқа бір қызға.

Толық

Бір күніңнен қызығырақ бір күнің

  • 0
  • 0

Бір күніңнен қызығырақ бір күнің,
жаралғалы жұмақ еді тірлігің.
Қыл көпірден қапелімде тап болған,
құтқарады қай құдірет, кім бүгін?

Толық

Осыншалық батырып таңда мұңға

  • 0
  • 0

Осыншалық батырып таңда мұңға,
тағдыр, мені тағы да алдадың ба? —
Алтын балық қолымнан сусып шығып,
құр әуресі қалыпты-ау қармағымда!

Толық

Қарап көріңіз