Өлең, жыр, ақындар

Көл қорыған қызғыштың

  • 31.05.2021
  • 0
  • 0
  • 586
Көл қорыған қызғыштың
қолға үйретіп көкесін,
өндір-өндір қыз құштым,
өзім қиып некесін.
Аңыз тыңдап, ән ұқтым
аталардан ай көмей,
Бетін қақтым бәдіктің
бағлан демей, бай демей.
Баталы сөз айтыппын:
белін жазып бүкірдің.
Тәлімсіген тәйтіктің
төбесінен түкірдім...
Қоя-жынын ашып ем —
құты қашты "күйлінің".
Қасақана басып ем
жатқан жылан құйрығын.
Жұпынымын демедім,
күпіліні кезге ілмей.
Өңмендеген неменің
өтін іштім сездірмей.
Қалдырғаным табаға
келеді әлі арбасып.
Қолы жетпей жағама,
балағыма жармасып.
Жақсыларды түстеп те,
түгендеп бір көрмек ем.
Кетті қойды күш текке,
жетпей қалып ерде дем.
Шарап ішпей, шала мас,
шамырқанған тұр мынау.
...Өң мен түсім аралас
өмір сүріп жүрмін-ау!



Пікірлер (0)

Пікір қалдырыңыз

Осы бір «дерт» кеудеңді меңдемесе

  • 0
  • 0

Осы бір «дерт» кеудеңді меңдемесе,
Тәуір жігіт едің-ау сен де кеше.
Ермейтін-ақ сияқты ең ед сөзіне
Бермейтін-ақ сияқты ең пендеге есе...

Толық

Қасым аға

  • 0
  • 0

Жүре алмайтын біреуді арқаламай,
Ел деп туған еңіреп мәрт ағам-ай!
Селкілдемей жеттің-ау сексенге де,
Қарын да бар қалпында, қалта да бай.

Толық

Тереңі-ай мына суат түбінің

  • 0
  • 0

Тереңі-ай мына суат түбінің,
бере ме құдай қуатты бүгін,—
қарадай ғана қалтырап барам,
қайда жүр менің шуақты күнім?"

Толық

Басқа да жазбалар