Өлең, жыр, ақындар

Жастықтан да, мастықтан да айықпай

  • 31.05.2021
  • 0
  • 0
  • 461
Жастықтан да, мастықтан да айықпай,
мен де бүгін кетті дейсің байып қай,
қалт-құлт етіп келе жатқан жайым бар
Мұзды мұхит үстіндегі қайықтай.
Айланы еміп,
майға бөгіп арсыздар,
(Іштерінде біразыңыз барсыздар!)
Кісіліктің қор болғанын көргенде
Жүрек тулап,
қаның қызып,
жан сыздар!...
Қыр көрсете кеме жасап қияқтан,
аш болмаған,
мас болған сияқтан, —
сайтанға еріп кете беріп,
тоқтайсың,
ардан аттап өте беріп,
ұяттан.
Сені қайтсін суайттар мен сылқымдар,
өзіңді де, сөзіңді де кім тыңдар, —
...Қайда бара қоям дейсің бірақ та,
дәл осындай,...
әлі осындай жұртың бар!



Пікірлер (0)

Пікір қалдырыңыз

Іні

  • 0
  • 0

Бойыма сіңбей асы басқаның,
арнама сыймай тасып, асқамын,
бұлттанып бір сәт көрмес дейтін ем
қашанда шәйдай ашық аспаным!

Толық

Адам адам болғалы...

  • 0
  • 0

Адам адам болғалы келе жатыр алысып,
жүгірген аң, ұшқан құс — барлығымен жарысып,
ажырасып,
табысып,

Толық

Көздедің...

  • 0
  • 1

Көздедің...
көзден тұрып...
тез атпадың,
кідіріп, сонша неге созақтады -

Толық

Қарап көріңіз