Өлең, жыр, ақындар

Бір тал гүл

  • 22.06.2021
  • 0
  • 0
  • 1173
Бiрте-бiрте салқынсыған сезiммен
Кездерiңдi көрiп жүрмiн көз iлген.
...Мен көтерiп алып ем-ау күн кеше
Бiр тал гүлдi –
Жерде елеусiз езiлген.
Бiр тал гүлiм,
Қайта түлеп, бүрлеген,
Сен болмасаң, сыр бөлiсем кiмменен?
Өз жарамның өзiм ашып ауызын,
Өз шоғымды кезiм қанша үрлеген?..
Тағдырымды –
Бiр тал гүлмен селбескен
Жетiмекше жетелеттiм желге ескен.
Салқын тартқан Саратанға жеттiм-ау,
Солқылдатқан тамырымды сол кештен!..
Бiр тал гүлiм гөзелi едi-ау бiр бақтың,
Қанша мəрте бiрге тоңдым, дiр қақтым...
Гүлзарыма сұғын салды қай неме?
Гөзелiмдi қай кəззапқа ұрлаттым?
Мезгiлiм-ай,
Мекендеген Ай қасын,
Қан қақсатып кеттi сенi қай жасын?
Бiр тал гүлдi отыратын иiскеп
Қайран, күнiм, хабар бершi, қайдасың?
Жоқсың...
Барсың...
Шындықсың да жалғансың,
Алты қырдың аржағында қалғансың.
...Мен сияқты,
Өткен-кеткен адамдар
Жерде жатқан жетiм гүлдi аңғарсын,
Аңғарсын да – аяласын, қолға алсын!..



Пікірлер (0)

Пікір қалдырыңыз

Қанар-қанбас қаным бар,

  • 0
  • 0

Қанар-қанбас қаным бар,
Шығар-шықпас жаным бар.
Қонар-қонбас бағым бар,
Болар-болмас халім бар.

Толық

Шілдедегі ақ жауын

  • 0
  • 0

Бурабай,
Аршылады бұлтың қашан?
Мінезің бір күн босаң, бір күн масаң.
Қамыстай қаулап өскен қарағайдың

Толық

Ағашқа қаққан сынадай

  • 0
  • 0

Ағашқа қаққан сынадай
Арамызға енiп нең бар, Қыз?
Жай бiлгiң келсе сұрамай –
Жаратқан жалғыз, мен жалғыз!

Толық

Қарап көріңіз