Өлең, жыр, ақындар

Жабырқау жанды жұбатпай

  • 22.06.2021
  • 0
  • 0
  • 624
Жабырқау жанды жұбатпай
Көңiлдiң күйректеу əнi,
Көмiлген көзi бұлақтай
Кездесу сиреп барады.
Елп етпе сезiм, елiк көз,
Балғын наз, ерке, бал қылық,
Семсерлi сертке берiк кез,
Қалайша лезде қалды ұмыт?
Құралай қыз-ау, əнқұмар,
Көңiлiң неден дəркүмəн?
Арманның шығып алдынан
Сүйгенiмде ме бар кiнəм?
Гүл өмiр, құшуақ таңыңа
Бозторғай болып əн төктiм.
Жүрегiмдi ұстап қолыма,
Жолыңа жырды тəрк еттiм.
Үзiлiп кеткен үмiттей
Жүрекке жiбi жалғанбай,
Iз-түзсiз көзге iлiкпей
адасқан аққу – армандай,
Арамыз бүгiн – көк пен жер,
Арамыз бүгiн – көк тұман.
Көңiлден көшiп көктемдер,
Өмiрден өшiп кеттi ме əн?
Таңдайда ерiр бал десем,
Тағдыры жұмбақ жан ба едiң?
Айтылмай жүрген əлде Сен
Əуенi бөлек əн бе едiң?
Тiрлiкте тыным бермейдi
Аңдағай ойлар андыздап.
Жүректiң қылын тербейдi
Жабырқау жырым жалғыз қап.
Шектеулi мына жалғанда
Шеттеу бiр қалып шер кештiм.
Азғантай ғұмыр қалғанда
Алдамағай да ендi ешкiм...



Пікірлер (0)

Пікір қалдырыңыз

Қазақ қызы

  • 0
  • 0

Тəттi уды, шөлдеп iшкен, көлiң дедiм.
Ақ буды көлбеп ұшқан лебiң дедiм.
Аққудың көгiлдiрi,
Өмiр гүлi –

Толық

Сарқытындай сараңның

  • 0
  • 0

Сарқытындай сараңның
Тағдырыңа алаңмын.
Ерте туып, кеш көрсем,
Кiмге кiнə тағармын?

Толық

Ұйқас

  • 0
  • 0

Күндіз қайда?
Жұлдыз қайда?
Ай қайда?
Ай қайда деп бассам ба екен айғайға?

Толық

Қарап көріңіз