Бастау алған бұлақтан кəусар көлiм – Исраил Сапарбай

Бұл бетте «Бастау алған бұлақтан кəусар көлiм» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 22.06.2021
  • 0
  • 0
  • 1012
Бастау алған бұлақтан кəусар көлiм,
Тұнығыңды, шөлдесем, таусар ма едiм?
Жанарыммен үн-түнсiз жайымды айтып,
Кəусар көлге жаңбыр боп жаусам дедiм...
Жараса ма жақсыға тұйық болған,
Соншалықты сен асар биiк пе арман?
Қалай ғана ерiтiп алсам екен
Ернiңдегi күлкiңдi ұйып қалған?
Қуанышын, бақытын бұлдамаған
Кезiксе екен бағыңа бiр ғана адам...
Қалай ғана жылытып алсам екен
Көзiңдегi жұлдызды мұң қамаған?
Жалаң сөзге елiкпей жалтылдаған,
Сездiрмеген сұлулық салтын маған,
Қалай ғана жылытып алсам екен
Кеудеңдегi сезiмдi салқындаған?
Күннен-күнге солдырған iреңiңдi,
Жылдан-жылға тоңдырған жылы өңiңдi,
Қалай ғана жұбатып алсам екен
Жылай-жылай жүдеген жүрегiңдi?..


Пікірлер (0)

Пікір қалдырыңыз

Жиі қойылатын сұрақтар

Бастау алған бұлақтан кəусар көлiм өлеңінің авторы кім?

Исраил Сапарбай — осы өлеңнің авторы.

Бастау алған бұлақтан кəусар көлiм өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Бастау алған бұлақтан кəусар көлiм өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Бастау алған бұлақтан кəусар көлiм өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері