Өлең, жыр, ақындар

Ех, Лена!

  • 22.06.2021
  • 0
  • 0
  • 633
Ех, Лена!
Лена, Лена –
Елена қыз,
Туды екен бiздi бөлек неге анамыз?
Бойтұмар болашаққа – ақын жайлы
айтылар нелер өсек, нелер аңыз...
Себебi ол бiрдi сүйiп, мыңға ғашық.
Жүредi «жұмақ» iздеп... күнде адасып.
Қасынан өте қалса, қыз-қырқын мен
қарайды қауыздарын гүлдер ашып.
«Көкте ме, перiштелер жерде ме?» – деп
Болады болмыс сырын зерделемек.
Кей-кейде жыр оқиды ол, теңiздейiн
толқи кеп,
тебiрене кеп,
тербеле кеп!
Есiгiн ешкiмге ашпай ендi бiрде,
Ен дүние, елеңдемей мол дүбiрге,
Оңаша ой кешедi, сөйлеседi
Өкпе айтып өлеңiмен кемдi күнге.
Жалғыздық жатса-тұрса жанын жердей,
Жүргенi кейде өзiне дамыл бермей,
Түнiмен жау түменiн жайратпаққа
найзасын қайрап шыққан жауынгердей!



Пікірлер (0)

Пікір қалдырыңыз

Жағасында желбiреген желегi

  • 0
  • 0

Жағасында желбiреген желегi
Көзiң сенiң мөлдiреген көл едi.
Қарашығы əлсiн-əлсiн дiрiлдеп,
Қайсыбiрде қараушы едi күлiмдеп.

Толық

Тағы бір гүлім солды ғой

  • 0
  • 0

Тағы бір гүлім солды ғой,
Тағы бір күнім өлді ғой.
Баяғы қазақ - сол қазақ,
Баяғы Құдай – сол Құдай!

Толық

Тіршілік

  • 0
  • 0

Күнмен бірге көз ашады мың-сан гүл.
Мəңгіліктен,
Жаңғырықтан тымсал бұл!
Қаңсып қалған тамырыма қан жүріп,

Толық

Қарап көріңіз