Борат – Мерей Ильяс

Қазақ елім шыдай білген азапқа,
Ал,бірақ та төзе алмайды мазаққа.
борат деген бір сұмпайы шығыпты,
Көк туымды аяқасты қылыпты.

Отаныма, ең асылым-қазағыма, жұртыма,
Тіл тигізіп,масқаралап күллі ғалам халқына,
Тірнектеп жиып алған абыройым әп-сәтте,
Көк тиындық құны қалмай керексіз заттай болды ма?!

"Комедия" деп, көзді жұмдық біріншіде біз қазақ.
Үндемес деп жарамайды басқа шығу ей Борат.
Жойылсын, мына кино түп тамырмен құрысын,
Алты алаштың атынан айтылатын бұл талап.

Қол қусырып отырмай,МЕМЛЕКЕТ боп кіріссек,
Рәмізді қор қылғанды,аяусыз бір өкіртсек.
Жеті миллиард жер жұртына масқара боп жүрмейміз.
Бұл киноны құрта алмасақ,өзімізді кім дейміз?!

Еркіндік елшісі,азаттық жаршысы- туым менің,
Бейшараның бұтын бүркеу үшін туып па едің
Ұлттық намыс жібермеді,отыра алмадым құр қарап,
Тым құрыса тербетейін қаламымды қан жылап.