Өлең, жыр, ақындар

Сен менiң көңiлiмдi таба алмадың

  • 01.07.2021
  • 0
  • 0
  • 546
Сен менiң көңiлiмдi таба алмадың,
Табамын деп таусылды амалдарың.
Көлгiрсiп, масаң күлiп, майысқанмен,
Көрсеттi жасандылық жанарларың.
Сенделiп келген сəтте серi-көңiл,
Пенделiк көрсеттiң де ерiмедiң.
Құлайды саған көңiл анда-санда,
былайғы өмiрiңнен не бiлемiн?
Не бiлем?
Түк бiлмеймiн!
Бiлгiм де жоқ.
Сенiмен бiрге емеспiн, жүрмiн бөлек.
Өзiм де қызықпын-ау,
қыр-сырыңды
қалайша бiлмек едiм бiр күнде кеп?
Ешкiмге берiлмеген, көрiнбеген
Перiштем,
Перизатым,
Перiм деп ем,
Қалайша қателескем?
Қалады екен
бiр атым насыбайдан көңiл деген.
Қайтемiн ауызға алып насыбайды,
Сен маған бола алмадың басыбайлы.
...Бүйiрiн арғымақтың бүгiндерi
Бауырмал басқа бие қасылайды...



Пікірлер (0)

Пікір қалдырыңыз

Қандай кінə бар дейсіз құба таңда?

  • 0
  • 0

Қандай кінə бар дейсіз құба таңда?
Күліп шыққан күн бізді жұбатар ма?..
Құлдық ұрам Құдайдың құзырына,
Құбылаға құлқымды құлатам да.

Толық

Ару

  • 0
  • 0

Бұрала басып ырғал да,
Бұрымға байла еркімді.
Қозғала алмай тұрғанда,
Қоздырып кетші дертімді!

Толық

Кешегі кербез жиырмабес...

  • 0
  • 0

Кешегі кербез мəз емес жігіттің жайы –
Тақырдай қаңсып таусылды жіліктің майы.
Төзімді жалап-жұқтаған төсекке ене
Өзеуреп өшіп қалады қос өкпе неге?

Толық

Қарап көріңіз