Өлең, жыр, ақындар

Жырым саған арналды, əнiм саған

  • 01.07.2021
  • 0
  • 0
  • 831
Жырым саған арналды, əнiм саған.
(Сабырынан айрылар сағынса адам).
Саздарымды жеткiзсiн сарала күз,
Арманымды жеткiзсiн ағын самал.
Ақ ниетпен жол алды саған құсым,
Алақанға қондырып алармысың?
Жүрегiңнiң төрiнен жай ұсынып,
Жақсылықтың жасай гөр жоралғысын.
Көкiрегiне мұң қонса, мұнар қонса,
Көлденең жұрт жайыңды ұғар қанша.
Көңiл күйi көксеген шертiлер ме,
Домбыраның iшегi сыңар болса?
Жай-күйiнен жанымның берiп хабар,
Бəлкiм, саған бұл əнiм серiк болар.
Оңашада ой кешiп отырғанда,
Терезеңе құстайын келiп қонар.
Таң оянып,
таққанда шолпысын Күн,
Көк теңiздей көңiлiң толқысын мың...
Саған, жаным, тапсырдым аманатқа
Сол əнiмнiң тағдырын – сол құсымның!



Пікірлер (0)

Пікір қалдырыңыз

Алаулап атқан таңдардың

  • 0
  • 0

Алаулап атқан таңдардың
Əуенiн бар ма жалғар күн?
Əуелеп ұшқан арманның
Қанатын қайтiп қармармын?

Толық

Сан дүбiрдi санамнан өшiргелi

  • 0
  • 0

Сан дүбiрдi санамнан өшiргелi
Өтiп жатыр өмiрдiң көшi iлгерi...
Кəдуiлгi пенделiк пешенеммен
Қадiрiңдi кеш бiлсем, кешiр менi.

Толық

«Шеңберден шық!» немесе Мұқағали мұраты

  • 0
  • 0

Шеңберден шық! –
Дүние шеңберінен!
Жараспайды ақынға жерде жүрген.
Екі бірдей аяғын ербеңдетіп,

Толық

Қарап көріңіз