Өлең, жыр, ақындар

«Жаным-ау» десем, жалт карар ма едiң

  • 15.07.2021
  • 0
  • 0
  • 805
«Жаным-ау» десем, жалт карар ма едiң,
Жан сырын маған ақтарар ма едiң?
Дегбiрiмдi алса қайтемiн, қарғам,
Ақбала өңiң,
Қап-қара меңiң?..
Жайласа желпiп жəй ғана лебiң,
Жаныма келген Лəйла ма дедiм.
Басыңнан сүйеп, базынамды айтып,
Шашыңнан сүйiп, аймалар ма едiм...
Көзiң де көлдей тұп-тұнық екен,
(Жылымды қайтем жықпылы бөтен)
Байлаусыз, жiпсiз шырмалған басы
Байқасам, сенiң тұтқының екем.
Мен бе екем басы шыр айналғанның,
Қасыңнан, қалқам, шыға алмай қалдым.
«Жайратсам» ба əлде, жаныңды сəби
Сазымен Сағи, Тұманбайлардың?
Жоқ əлде, Сағи, Тұманбай қалып,
Арбасам ба екен жыландай болып?
Отырар ма едiң,
Өткiншi өмiр
Өң бе, əлде түс пе, бiле алмай қалып!



Пікірлер (0)

Пікір қалдырыңыз

Жезөкше

  • 0
  • 0

Отқа барған қатындай
Өзі екенсің кезбенің.
Түнгі сайтан отындай
Ойнақшиды көздерің.

Толық

Жүрегім...

  • 0
  • 0

Дей жүріп қыз-қырқынға: «жаным, жаным...»
Қайткенің қапылыста қабынғаның?
Жазбаушы ең жайшылықта жүрісіңнен,
Апырай, жаңылғаның нағылғаның?

Толық

Алдау, арбау, мəймөңкелiк, мекерлiк

  • 0
  • 0

Алдау, арбау, мəймөңкелiк, мекерлiк..,
Бiр басыңа барлық өнер жетерлiк.
Жан-тəнiмдi жаулағаның – бiр ерлiк,
Балдай балқып баурағаның – екi ерлiк.

Толық

Қарап көріңіз