Өлең, жыр, ақындар

Қалқам да емес

  • 15.07.2021
  • 0
  • 0
  • 521
Қалқам да емес,
Шолпан да емес,
Ай мүсiн
Жанарыңа лағыл жаққан Лəйлiсiң!
Алты алаштың аймағына мəшүүрсiң,
Алты əлемнiң аумағына əйгiсiң!
Көкшедегi көрме тектес қайыңсың,
Көрген кiсi қайтiп көзiн айырсын.
Үр қызынан үркер ерткен қасына
Үлбiреген мақпал мiнез, мəйiнсiң.
Сан сабағы сəусiлдеген сəмбiсiң,
Сымбаттысың, сəукеледей сəндiсiң.
Таңдайыңнан ери шыққан тəттi əуез
Елестетер көз алдыма таң құсын.
Хан сарайдың iшiндегi Ханшасың
Халайықтың қайыл қылған баршасын.
Көздiң жауын ала түскен алмасың,
Жаз бағында жаңа пiскен алшасың!
Шырын да өзiң,
Шекер де өзiң,
Бал да өзiң!
Алма мойын,
Талма бойың,
Тал кезiң...
Таңғажайып түстi қимай жатамын
Тəттi ұйқыдан оянғанда таңбозым...



Пікірлер (0)

Пікір қалдырыңыз

Қайда Ай, Күн?

  • 0
  • 0

Қайда Ай, Күн?
Қайда айдын?
Қайда бақ?
Қар жауып тұр мамық, үрпек, майдалап.

Толық

Құшағын жайған саған, жайған маған

  • 0
  • 0

Құшағын жайған саған, жайған маған
Жаз өтті жайма-шуақ жайраңдаған.
Қазір-ақ қасыңа ұшып барар ем-ау,
Қайран-ай, қанат бітсін қайдан маған!.

Толық

Арыстан

  • 0
  • 0

Қапыда оқ тигендей қарақұстан
Қан-сөлсіз жатырмысың, кəрі арыстан?!
Жапан түз,
Жайнақы жаз,

Толық

Қарап көріңіз