Өлең, жыр, ақындар

Сұлулық

  • 15.07.2021
  • 0
  • 0
  • 1671
Сұлулық-ай, сұлулық, жанды жедiң.
Жазылмайтын дертiм бе ең мəңгi менiң?
Əлемiне бiржола ендiм бiлем
«Мың бiр түндей» ғажайып əңгiменiң.
Сұлулық-ай, сұлулық, жанды жедiң.
Қашан саған мейiрiм қанды менiң?
Жалғыз ауыз бəдəуи бəйiтi үшiн
Бар қызықтан баз кешкен бəңгi ме едiм?
Сұлулық-ай, сұлулық, жанды жедiң.
Бағым ба, əлде сорым ба балғын өңiң?
Ойнаса еттi қолымда қос бұрымың,
Оралса еттi мойныма тал бiлегiң!..
Сұлулық-ай, сұлулық, жанды жедiң.
Тараса еттi бойыма таңғы лебiң.
Сен екенсiң, жалғанда жалғыз емiм,
Көкiрегiмнен көшкенше мəңгi демiм!..
Сұлулық-ай, сұлулық...



Пікірлер (0)

Пікір қалдырыңыз

Табылар ма тағдырдан тілегенім?

  • 0
  • 0

Табылар ма тағдырдан тілегенім?
Тəңірім-ау, кім жазар жүрек емін?
Қармап жүріп қайғыны құшамын да,
Таңдап жүріп тақырға гүл егемін.

Толық

Тəркi дүние. Түн қойны. Таң аясы

  • 0
  • 0

Тəркi дүние. Түн қойны. Таң аясы...
Жүк артпашы жүрекке жан аяшы –
Құшағымда жатқанда ес жия алмай
Жиырмасыншы ғасырдың Данаясы!

Толық

Əн айтсам теңселесiң, тербелесiң

  • 0
  • 0

Əн айтсам теңселесiң, тербелесiң,
Теңiздiң мiнгендейiн жел-кемесiн.
Осынау үнсiз, мұңсыз қалпыңменен
Жаныма ем бересiң, дем бересiң.

Толық