Жүрісінен жаңылған жорғадайын
- 0
- 0
Жүрісінен жаңылған жорғадайын
Қона бермес бақ құсы қолға дəйім.
Бұлбұл ұшып кетті деп гүлзарынан
Борша егіліп несіне қорланайын.
Көз алдымнан сағымдай сен көшкелi
Көз алдымнан сағымдай сен көшкелiАйдарымнан аңқылдап жел де еспедi.
Қарашадан қаймығып қайтқан құстар
Қайта айналып көлiне келмес пе едi?..
Жабыққанда табылмай жанашырым,
Жалғыздықтың сезiндiм жаңа сырын.
Жүрегiмнiң түбiне түсiп кеттi
Жəудiреген жақұттай қарашығың.
Көзiң менде,
Ал өзiң... шалғайдасың,
Жазылмаған жанбысың маңдайға шын?
Өз қағынан құлан да безбеушi едi..,
Хабарыңды берсеңшi, қандай жансың?
Пікірлер (0)
Пікір қалдырыңыз
Көрсем екен тезірек Көктем басын
- 0
- 0
Көрсем екен тезірек Көктем басын,
Көзіме оттай басылып бөктер жасыл.
Оңды-солды бишігін сілтеп қалып,
Көкорайға түссе екен көктен жасын.
Алып кетшi көгiңе жерден менi
- 0
- 0
Алып кетшi көгiңе жерден менi,
Жалықтырды жаһанның сергелдеңi.
Кеңiстiктiң лебi ыстық керiмсалы
Емдер ме едi мендей бiр шерменденi...
- Конфуций
- Конфуций
- Эдвард Дж. Стиглиц
- Нельсон Мандела
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі