Өлең, жыр, ақындар

Перiштеге ғашықпын

  • 15.07.2021
  • 0
  • 0
  • 766
(Топтама)

Перiштеге ғашықпын, пендеге емес,
Мен бiлетiн ол шiркiн елден емес.
Күнi бойы есiмнен бiр шықпайды
Түнi бойы түсiме енген Елес.
Елесiмнiң бағамын қас-қабағын:
Iшпей-жемей көркiне мас боламын.
Ай сəулесiн аялап алақанда,
Жұлдыз жырын, айтады ол аспан əнiн.
Аспан əнiн –
Боздатып бостан əнiн
Жаспен жуып отырар жас жамалын.
Қарағанын қайтерсiң қарағымның,
Екi бiрдей төңкерiп тостағанын!
Қарағанын қайтерсiң қарағымның
Жанын жапа,
Жайлап ап жанарын мұң...
Мен ғашықтың назарын наз деп ұғып,
Мен ғашықтың азабын жаңа бiлдiм!..
Жаңа бiлдiм,
Кеш бiлдiм,
Кеш ұғындым...
(Елес көрсе шықпайды есi кiмнiң?)
Тiлiң бар ма, күнiм-ау, үнiң бар ма,
Тым болмаса айтсаңшы, есiмiң кiм?
Есiмiң кiм, Перiштем, Пiрəдарым?
Еркесiме ең сен де əзiз бiр ананың?
Қоншы бiр сəт қолыма, ұшып кетпей,
Қалшы бiр сəт қасымда, сұранамын?..



Пікірлер (0)

Пікір қалдырыңыз

Керемет

  • 0
  • 0

Аспантөрден Ай сəулесі себелеп:
– Нені іздедің, – деді маған, – не керек?
– Іздегенім – көктен, жерден КЕРЕМЕТ.
– Е, солай де... жүрсің оны неге іздеп?

Толық

Алакөлдің ақиығы

  • 0
  • 0

Аққуын Алакөлдің шерулеткен
Өтіпті-ау ес жиғанша Елу көктем...
Мың бөліп ақын мұңын теберіктей,
Кім келіп ақын жүгін жеңілдеткен?

Толық

Туралықтан қалайша тұра қашам?

  • 0
  • 0

Туралықтан қалайша тұра қашам?
Жаза басып, жасадым күнə қашан?
Ғұмырымнан не хабар-ошар қалар,
Тұғырымнан құласам, тұраласам?

Толық

Қарап көріңіз