Өлең, жыр, ақындар

Бұрала басып

  • 16.07.2021
  • 0
  • 0
  • 520
Бұрала басып,
Бұлқына қашып, балтəттiм,
Бұрыла берiп бұрымыңды еппен тарқаттың.
Жамалы гүлден,
Қамалы түннен аумаған,
Жаратқан ием /жар бола гөрсе/ жар таптым!
«Жар таптым!» дедiм...
Күбiрлеп қана мен iштен,
Естiдi мұны Елiгiм,
Қайтқан өрiстен.
Айна алдындағы керiлген кербез келiстi өң
Естiдi мұны Пейiштiң қызы – Перiштем!
Төгiлген бұрым жастыққа келiп жайылды,
Биқасам кеште бiлмекке менiң жайымды.
Қап-қара жаңбыр,
Қап-қалың бұлттың iшiнде
Аялай құшып, аймалай бердiм Айымды!
Өрiлген бұрым төгiлген кезде төскейге
Көмiлген көмбе көрiнбей көкей теспей ме?..
Тұнжыр көз түннiң жұтына қалған Жұмағы
Жуыса кеткен жұмбағын жұптың шешпей ме?!



Пікірлер (0)

Пікір қалдырыңыз

Қоңыр әуен

  • 0
  • 0

Достан да, дұшпаннан да қалған көңіл
Аңсап жүр аққулы әуен, арман көлін...
Күнгейге Күнікейдей қызды ұзатып,
Танакөз тағдырымды таңнан көрдім.

Толық

Сені мен біз

  • 0
  • 0

Сені мен біз
Егілерміз, жылармыз,
Басымызды тау мен тасқа ұрармыз.
Таң атқаннан Тəңіріге тəуба айтып,

Толық

Махаббат

  • 0
  • 0

Махаббатқа ежелден жүрмейді есеп,
Ерік берсек есепке, гулейді өсек.
Артық сөйлеп, асығыс айтқанымыз,
Сүю менен үйлену бірдей десек.

Толық

Қарап көріңіз