Өлең, жыр, ақындар

Арғы бiр тегi асылдан

  • 16.07.2021
  • 0
  • 0
  • 611
Арғы бiр тегi асылдан,
Мекенi жайлау-жасылдан.
Аңсап бiр келген кезiңде
Мойныңа келiп асылған.
Жүрегi аттай тулаған
Бiр елi қалмай қасыңнан.
Ақ дидарын көргенше,
Ақ төсекке кiргенше,
Ақ көйлегiн түргенше
Жамылғының iшiне
Жан дауасын жасырған.
Аққудай мойнын иiлтiп,
Сүйдiре түсiп, сүйiнтiп,
Ақ бəденiн бүргенше
Тамырда қаның тасыған.
Сайлауыт көлдiң сазаны,
Сабырсыз ердiң «азабы»,
Мастыққа бөгiп мазалы,
Жастыққа шашы шашылған.
Жұмыла түсiп көздерi,
Құмыға өшiп сөздерi,
Қол-аяқ сəтте қосылған:
Өзiне жетпей өз демi,
Баяулап барып басылған...
«Бақытым, балым, барым...» деп,
«Жарығым, жаным, жарым...» деп,
Алмадай жүзi албырап,
Алланың берген ырзығы
Аяғыңа келiп бас ұрған!..



Пікірлер (0)

Пікір қалдырыңыз

Мезі мезгіл меңдеп мені бір өңшең

  • 0
  • 0

Мезі мезгіл меңдеп мені бір өңшең,
Көптен бері көтерілмей жүр еңсем.
Аллаға мың шүкіршілік айтар ем,
Ауруымнан айықтырып жіберсең.

Толық

Жамбасы шірігенше жатқан қар-ау

  • 0
  • 0

Жамбасы шірігенше жатқан қар-ау,
Демейсің алдымда жаз, көктем бар-ау.
Айрылған ажарынан, базарынан
Бірауық аясаңшы бақтарды анау.

Толық

Саясатсымақтарға

  • 0
  • 0

Бұра тартып,
Бұлдаған бірдемесін
Кісімсінген немелер кімді елесін.
Саясаттың сары езу сабаздары,

Толық

Қарап көріңіз