Өлең, жыр, ақындар

Ол

  • 16.07.2021
  • 0
  • 0
  • 435
Жабырқап жадау жүрек,
Жайқалмай жыр,
Ол саған жан сезiмiн айта алмай жүр.
Жасқанып есiгiңнен ене алмай жүр,
Мас болып махаббатқа қайта алмай жүр.
Бiлмейсiң,
Сезiнбейсiң,
Сен ұқпайсың,
Себебi... аз ойланып, көп ұйықтайсың.
Өмiрдiң сұрқай өңдi сұқ көзiнен
Жасырған Жаппар ием Тобықтайсың.
Келмейсiң,
Кездеспейсiң,
Жолықпайсың,
Толғанып,
Тобаңды айтып,
Торықпайсың.
Елп етпей өзiң түгiл Елесiңе
Жек көрiп кетедi-ау деп қорықпайсың.
Ол сенi ұмытпайды, ұмытпайды –
Алласын аузына алып ұлықтайды.
Үмiтiн, су алса да, суытпайды,
...Жалғызды жар төсегi жылытпайды.
Бiлмейсiң,
Бiле алмайсың,
Сезiнбейсiң,
Зейнеттен,
Бейнеттен де безiнбейсiң!
Ерге бiр,
Есiкке бiр елеңдеген
Үмiттiң үкi көздi өзiндейсiң.
Таңдайда дəмi қалған шербеттейсiң,
Бесiгiн беймаз күннiң тербетпейсiң.
Өзi жоқ..,
Көлеңкесi бар бейбаққа
Фəниде,
Бақида да сен жетпейсiң!..



Пікірлер (0)

Пікір қалдырыңыз

Өткен өтті

  • 0
  • 0

Өткен өтті,
Кеткен кетті қайрылмай,
Қамықпай да,
Қапаланбай,

Толық

Шағала қайда, шағала?

  • 0
  • 0

Шағала қайда, шағала
Жақындап ұшар жағаға?
Ah ұрған айдын ұқсайды
Баласыз қалған анаға.

Толық

Қаралы бойжеткен

  • 0
  • 0

Өрте, мейлi,
Отқа сал.
Жандыр, мейлi,
Қапастағы қайғысын жан бiлмейдi!

Толық

Қарап көріңіз