Өлең, жыр, ақындар

Марфуғаға

  • 16.07.2021
  • 0
  • 0
  • 558
Марфуғаға
Бейiлi мейiр-қайырлы,
Жiбектей жаны үлбiрек,
Есiмнен менi айырды
Елжiреп тұрған бiр жүрек.
Төркiнi, тегi, негiзi
Төренiң төрткүл елiндей.
Аузынан шыққан лебiзi
Бейiштiң бейпұл лебiндей.
Мiнезi жұмсақ, мəп-мəйiн,
Əр сөзiн əнге балаймын.
Алдымнан шықса Ақ қайың,
Аңызам кеуiп қараймын.
Қараған сайын қайылмын,
Жүрегiм жүрдек, тiлiм жоқ.
Қабағын бағам Айымның
Күнəлi жандай күбiрлеп.
Айтылмай қалса, сөз – қайғы,
Болмысқа нəзiк наз да – мұң.
Жүректiң қылын қозғайды
Сəуiрдей сəруар сазды əнiм.
Жан-тəндi өртеген күнде
Уыты бөлек кешкi удың.
Мен неге ерте келдiм де,
Сен неге тым-тым кеш тудың?
Аралық шалғай, не амал,
Жол түспей қойды-ау жайлауға.
Өзiмдi қалай жеңе алам,
Өзiңдi былай қойғанда?..



Пікірлер (0)

Пікір қалдырыңыз

Қарлығашым, қанатынан жел ескен

  • 0
  • 0

Телефонның ар жағынан үн қатшы,
Тереңiне телегейдiң шым батшы.
Түнегiңнiң күрсiнгенiн күшейтiп,
Жүрегiңнiң дүрсiл-демiн тыңдатшы.

Толық

Өмір өтіп бара ма?

  • 0
  • 0

Жылдар салып араға
Өмір өтіп бара ма?:
Көңіл шіркін күздегі
Жапырақтай сарала.

Толық

Егіз лебіз

  • 0
  • 0

Жұпарын сеуiп жаныма
Жапырағын көктем жайған кез
Жүрегiмдi ұстап қолыма
Алдыңнан шықтым, Айнамкөз.

Толық

Қарап көріңіз