Өлең, жыр, ақындар

Қынай бел

  • 19.07.2021
  • 0
  • 0
  • 812
Қынай бел,
Құбакан қыз,
Пісте мұрын,
Көзіңнен көңіліме түссе нұрың,
Анамдай туған Айға арзу айтқан
жасармын «жарылқа» деп іштен ырым.
Қапысыз көрген көңіл сүйіп қалар
көзге ерте көрікті қыз күйік болар.
Майдайын ерітетін жүрегіңді
момақан бір жымиыс миықта бар.
Жарасып сол жымиыс, сол ибалық
санаға сəуле себер сəби қалып.
Ізіңе жүріп өткен гүл жайқалып,
Жүзіне қарайтындай жəми халық.
Құрбы қыз,
Құралай көз,
Қынай белім,
Сенбісің Абай сүйген шын Əйгерім?!
Айрылып Тоғжанымнан қалғаннан соң
қайрылмас енді ешкімге сыңайлы едім.
Қайрылдым,
Қайрылмасқа еркім болмай.
Көзіңе екі кəусар көл тұнғандай.
Сан жылдар сары алтындай сақтап келген
болмассың бойымдағы өртімді алмай!



Пікірлер (0)

Пікір қалдырыңыз

Ағызып өткен аттай даламенен

  • 0
  • 0

Ағызып өткен аттай даламенен,
Мен кетем...
Қайғы кешіп қалады өлең.
Қара түн қара шашын қобыратып,

Толық

Көбейіп тұр көзі үңгір барымташы

  • 0
  • 0

Көбейіп тұр көзі үңгір барымташы,
Бару, алу, ішу, жеу... бар ынтасы.
Жаны игіге жалғанда жазығым жоқ,
Жаппар ием, мені де жарылқашы!?

Толық

Бойжеткен

  • 0
  • 0

Сыр бермеген сыңаймен сынай қарап,
Қиғаштайды қима қас, қынай қабақ.
Қыз баланың қылығы қыл үстiнде,
Қыл үстiмен қиямет кiм ойнамақ!

Толық