Өлең, жыр, ақындар

Адамға Ар – таразы əлімсақтан

  • 20.07.2021
  • 0
  • 0
  • 413
Адамға Ар – таразы əлімсақтан.
Жазадан жалт бере алмас жанын сатқан.
Нəмəртқа,
Не айла бар намақұлға,
Адалдың асын ішіп, нанын соққан?
Не пайда қаусырғаннан қамыс көлді,
Жасырса Жолбарысты, Арыстанды?
Арсыздың ауызынан шыққан бір сөз
Ажалсыз өлтірмей ме намысты ерді?
Қасиет бойдан қашып,
Ырық кеміп,
Ұртоқпақ үнімізден үрікті Елік...
Керісіп,
Кері кетіп жүрміз неге
Келісіп,
Күнде кеңес құрып келіп?
Дей жүріп: «Бірлік түбі ынтымақта»
Саламыз жанды неге күн-түн отқа?
Əу баста алтын сандық – ел емес пе ек,
Алқаның сандықты ашар кілті жоқ па?
Ел қайда?
Аға қайда ақыл қосар?
Жең қайда?
Жаға қайда жақындасар?
Өз қамы,
Өз бағына ие болмай,
Азғаны ағайынның – Ақынға сор!..



Пікірлер (0)

Пікір қалдырыңыз

Көлгiрсiген көп түндей

  • 0
  • 0

Көлгiрсiген көп түндей
Көңiлi ала күздiң де.
Хабарласпай кеттiң ғой,
Менен күдер үздiң бе?

Толық

Сен өзiң түрлi-түрлi-түрлi екенсiң

  • 0
  • 0

Сен өзiң түрлi-түрлi-түрлi екенсiң,
Мiнездi түрлi-түрлi кiм көтерсiн.
Ақынды ақылынан адастырып,
бiр күнi бұл күйiңмен жынды етерсiң.

Толық

Бiр бiлерiм: бұл өмiрде Сiз барсыз

  • 0
  • 0

Бiр бiлерiм: бұл өмiрде Сiз барсыз,
Содан ба екен қыс та айбарсыз, ызғарсыз.
Сұлулықтың сұсы, мысы басқандай
Суық жел де сумаңдамас күзгi арсыз.

Толық

Қарап көріңіз