Тілек

Көңiл шiркiн бəйтеректей көк тiреп,
Өн бойыма от тамызып өттi леп...
Сағынғанда,
Самалға мұң шақпай-ақ,
Саған, жаным, айтар едiм көп тiлек.
Бiлдiрейiн сол тiлектiң бiрiн мен
Жүрегiмдi жайлап алған дiрiлмен.
Жалғыз тамшың болсам еттi мен сенiң
Iлуде бiр кiрпiгiңе iлiнген.
Аңсап, шаршап, таусылғанда айла-амал,
Ақ жүзiңдi көрсем деймiн айнадан.
Жан шуағың болсам еттi мен сенiң.
Жаз күнiндей жанарыңда жайнаған.
Көбелектей жарық шамға ұрынған
Жалғыз сен деп шырылдайды шыбын жан.
Жан серiгiң болсам еттi мен сенiң
Құлдық ұрып құбылаңа жығылған?!

---