Өлең, жыр, ақындар

Адамға Ар – таразы əлімсақтан

  • 20.07.2021
  • 0
  • 0
  • 378
Адамға Ар – таразы əлімсақтан.
Жазадан жалт бере алмас жанын сатқан.
Нəмəртқа,
Не айла бар намақұлға,
Адалдың асын ішіп, нанын соққан?
Не пайда қаусырғаннан қамыс көлді,
Жасырса Жолбарысты, Арыстанды?
Арсыздың ауызынан шыққан бір сөз
Ажалсыз өлтірмей ме намысты ерді?
Қасиет бойдан қашып,
Ырық кеміп,
Ұртоқпақ үнімізден үрікті Елік...
Керісіп,
Кері кетіп жүрміз неге
Келісіп,
Күнде кеңес құрып келіп?
Дей жүріп: «Бірлік түбі ынтымақта»
Саламыз жанды неге күн-түн отқа?
Əу баста алтын сандық – ел емес пе ек,
Алқаның сандықты ашар кілті жоқ па?
Ел қайда?
Аға қайда ақыл қосар?
Жең қайда?
Жаға қайда жақындасар?
Өз қамы,
Өз бағына ие болмай,
Азғаны ағайынның – Ақынға сор!..



Пікірлер (0)

Пікір қалдырыңыз

Аузына түсе салмай, мақтаса кім

  • 0
  • 0

Аузына түсе салмай, мақтаса кім,
Абайлап аламанға ат қосамын.
Тəлімін Тəңірімнің таныған соң
Тамырын тіршіліктің тап басамын.

Толық

Маңдайлы қыз

  • 0
  • 0

Маңдайлы қыз,
Ұсынған балдай қымыз,
Бал қымызбен жiбiттiк таңдайды бiз.
Сiздiң жақта жауқазын бал-бұл жанып,

Толық

Аңсау

  • 0
  • 0

Кімге керек мұңды өлең, қайғылы өлең?
Көк жүзіне көз салсам, Айды көрем.
Ол да бүгін бүркеніп бозғыл бұлтын,
Жасырғандай бір тылсым жайды менен...

Толық

Қарап көріңіз