Өлең, жыр, ақындар

Шағала қайда, шағала?

  • 20.07.2021
  • 0
  • 0
  • 440
Шағала қайда, шағала
Жақындап ұшар жағаға?
Ah ұрған айдын ұқсайды
Баласыз қалған анаға.
Аққуы қайда, апырмай,
Қонатын көлге жапырлай?
Қайтқан соң бағы басынан
Қайтсін-ау айдын аһ ұрмай.
Аһ ұрмай қайтсін байғұсым,
Қайғысын ұғар қай кісің?
...Қасірет шеккен жоқ па еді
Мəжнүн де жоқтап Лəйлісін?
Шағала қайда ақтамақ,
Жалт беретұғын жалт қарап?
Қай жаққа алып кетті екен
Қанатын дауыл қақпалап?..
Əу бастан асыл сүйегі
Аққуым қайда киелі?
Аһ ұрып кімді жоқтайды
Айдынның ақжем жиегі?
Көкала үйрек, қаз қайда?
Көруге тағдыр жазбай ма?
Көз сүзген көкке көл мынау
Көңілдің шерін қозғай ма?
Көркіне көзім арбалар
Көл неге десем зар қағар,
Жағаны жаулап алыпты-ау
Жарбиған жаман қарғалар!
Көкмұнар көлдің етегі
Жел тұрса, желбір етеді.
Қайғысыз, қамсыз, қаперсіз
Қарғаның айдын не теңі?!
Толқыны сөгіп қолтығын,
Ала алмай жатыр көл тыным.
Қарғаны қайтсін, жағада
Шұқылап жүрген жемтігін.
Аймалап алтын жағаны,
Көл жатыр жалтылдап əлі.
Қарадай тиер жыныңа
Қарғаның қарқылдағаны!
Шағала қайда ақтамақ,
Көрінбей қойған апталап?
...Қасиетті мынау мекенді
Қашанғы қарға қаптамақ!



Пікірлер (0)

Пікір қалдырыңыз

Кезiнде бəрi болған, бəрi болған

  • 0
  • 0

Кезiнде бəрi болған, бəрi болған,
Бүгiнде əрi шындык, əрi жалған.
Құндыз да жағамызға жараса қап,
Жұлдыз да тұрушы едi жанып алдан.

Толық

Әлихан ата

  • 0
  • 0

«Атаң жəйлі не білесің,
Айтшы, кəне?» десе Дала,
«Кірді емес пе менің есім, –
Дермін оған, – кеше ғана».

Толық

Өне бойым өршiп тұр

  • 0
  • 0

Өне бойым өршiп тұр,
Тұла бойым тершiп тұр.
Түндiгiңде Ай балқып,
Кiндiгiңде көлшiк тұр…

Толық

Қарап көріңіз