Өлең, жыр, ақындар

Қандай кінə бар дейсіз құба таңда?

  • 20.07.2021
  • 0
  • 0
  • 532
Қандай кінə бар дейсіз құба таңда?
Күліп шыққан күн бізді жұбатар ма?..
Құлдық ұрам Құдайдың құзырына,
Құбылаға құлқымды құлатам да.
Қандай кінə бар дейсіз мына бізде,
Көзін сүзсе қу көңіл құла дүзге.
Мединелі баз кешіп мекенінен
Мезгіл ауып барады-ау, сірə, күзге...
Қандай кінə бар дейсіз батқан күнде?
Қуандың не,
Күлдің не,
Шаттандың не?..
Жас шылаған жанарым жаутаңдайды
Жас қабірді жастанып жатқан гүлге.
Қандай кінə бар дейсіз бұл жалғанда? –
Жазған құлы Құдайдың күнде арманда.
...Тағдырыма мың мəрте тəуба айтамын,
Қайта түлеп табиғат бүр жарғанда.



Пікірлер (0)

Пікір қалдырыңыз

Бозторғай

  • 0
  • 0

Алтын шапақ шашқан шақта Күн тауға,
Бір Бозторғай шығып алып шырқауға,
Таң бозынан тамылжытып тəтті əнін
Тағдырына айтады екен мың тəуба.

Толық

Ақ иықтан басталатын ақ бiлек

  • 0
  • 0

Ақ иықтан басталатын ақ бiлек
Базына айтты: «Басың маған батты» деп.
Қыздың елi ертегiдей ен жайлау,
Қыздың лебi қымыздан да тəттiрек!

Толық

Түсiме тағы да ендiң, тағы да ендiң

  • 0
  • 0

Түсiме тағы да ендiң, тағы да ендiң...
Дертiме дауа iздедiң, дəрi бердiң.
Қидың-ау маған бола ғұмырыңды,
Үйдiм-ау бiр басыңа əбiгер, мұң,

Толық