Көшеде қалған итке

Бұл бетте «Көшеде қалған итке» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 20.07.2021
  • 0
  • 0
  • 839
Құйрығыңды қысып ап қыңсылайсың,
Кімге налып, кімдерден құн сұрайсың?
Əрі өткенге телміріп, бері өткенге,
Жүрегімді аяусыз шымшылайсың.
Көп қарауға көзіңе дəтім бармай,
Көлге өзімді боламын батырғандай...
Бір «қаңқ» етіп қоясың анда-санда,
Қос бүйірің қабысып, аһ ұрғандай.
Талшықтан да айырып, қоректен де,
Тағдыр шіркін сені де қор еткен бе?
Қарайғанға қол жайған қайыршыдай
Əрі өткенге қарайсың, бері өткенге.
Жібергелі қаңғытып иең сені,
Түсіңе енер жылы орын, үй еңселі...
Қуарып тұр түр-өңі тіршіліктің,
Суалып тұр заманның жиі емшегі.
Күннен-күнге барады құрып əлің,
Хал-жайыңды білмейсің кім ұғарын.
Аспандағы жартыкеш айға қарап
Жарым түнде жақпайды ұлығаның.
Балпан-балпаң басушы ең бағаң барда
Үй ішінде, көшеде, алаңдарда...
Сен адамға сенуші ең өлердейін,
Ал, адамдар...
Адамдар...
Адамдар ма?..


Пікірлер (0)

Пікір қалдырыңыз

Жиі қойылатын сұрақтар

Көшеде қалған итке өлеңінің авторы кім?

Исраил Сапарбай — осы өлеңнің авторы.

Көшеде қалған итке өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Көшеде қалған итке өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Көшеде қалған итке өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері