Өлең, жыр, ақындар

Айвазовский картинасы алдында

  • 21.07.2021
  • 0
  • 0
  • 652
Телегей теңіз бүгін долыланып,
Жағаға жатыр сойқан салып анық.
Қара күш қайырылады, майырылады
Қанатын қара тасқа соғып алып!
Толқындар жайдақ мініп қайратына
Жағаны келе жатыр жайратуға.
Жерде ме, аспанда ма,
Бір бұла күш
Теңізді тайқазандай қайнатуда!
Түсініп болмайтұғын құлқын адам
Теңіздің сұсы суық, сұрқы жаман.
Не деген жабайы күш, анайы күш
Жағаны жағадан ап жұлқылаған?!
Толағай толқындарға тола батып
Тапқандай жантəсілім жаралы уақыт...
Əй-шəйге қаратпастан бір Алпауыт
Теңізді келе жатыр домалатып!
Мұндайда қайтіп аман жан қалады?
Бетіне қара судың қан тарады.
...Кеменің опат болған жарым-жалғыз
Жағада жайрап жатыр жаңқалары.



Пікірлер (0)

Пікір қалдырыңыз

«Жаным-ау» десем, жалт карар ма едiң

  • 0
  • 0

«Жаным-ау» десем, жалт карар ма едiң,
Жан сырын маған ақтарар ма едiң?
Дегбiрiмдi алса қайтемiн, қарғам,
Ақбала өңiң,

Толық

Жар мен жыр

  • 0
  • 0

Сен де бір бойжеткен ең бұла көңіл,
Бозтайлақ болмысыңмен ұнап едің.
Мен де бір боз даланың бозымы едім,
Жанына жақын тұтқан жыр əлемін.

Толық

Жалғыздық

  • 0
  • 0

«Қазақтың жігітінен дос таба алмай...»
Ажалын торға түсіп, тосқан аңдай,
Қарайды екі көзім қарайғанға
У қосқан шарап толы тостағандай.

Толық

Қарап көріңіз