Өлең, жыр, ақындар

Жас қарағай

  • 21.07.2021
  • 0
  • 0
  • 1052
Қамыққан қара күзде, жас қарағай,
(Қалып ең қайдан жалғыз қасқа бала-ай?..)
Қайыстай қатып қалған қара жерге
Тамады кірпігіңнен жас домалай.
Көргенде көгеннен жас ыршығанын
Көңілім босап, мен де тұншығамын.
Қойынға қолы жүйрік жезөкшедей
Желекем, сен де езулеп тыншымадың.
Жабықпа,
Жапа шекпе,
Уайымдама,
Салқын күз,
Саған серік сайын дала.
Мұңыңды мұншалықты шақпас ең-ау,
Қасыңда қатар тұрса қайын бала.
Сен де бір,
Жеке қалған жетім де бір.
Бес елі бетің де кір, етің де кір.
Елп етіп егілгенге ерімейтін
Безбүйрек өгей шеше секілді Өмір.
Шыға алсаң қыстан аман алдыңдағы,
Басталар жаз, көктемнің жаңбырлары.
Жүгірер тамыр бойлап құлын-тайдай
Тірліктің тыншымайтын мəңгі ырғағы!..



Пікірлер (0)

Пікір қалдырыңыз

Жамбасы шірігенше жатқан қар-ау

  • 0
  • 0

Жамбасы шірігенше жатқан қар-ау,
Демейсің алдымда жаз, көктем бар-ау.
Айрылған ажарынан, базарынан
Бірауық аясаңшы бақтарды анау.

Толық

Қасиет

  • 0
  • 0

Сенде қандай мəн қалды, айқын ғалам?
Менде қандай əн қалды айтылмаған?
Бостанымды сұрайын қай заманнан?
Астарыңды сұрайын қай «тұлғадан»?

Толық

Саған қолым жетпесiн көктегi айдай

  • 0
  • 0

Саған қолым жетпесiн көктегi айдай,
Iшiңе енiп кетпейiн көк тоғайдай.
Алты қырдың астынан үн қатсам да
Алған беттен қайырылып,

Толық

Қарап көріңіз