Өлең, жыр, ақындар

Күнәһар

  • 21.07.2021
  • 0
  • 0
  • 554
Асылдың арзандауы мүмкін бе екен? –
Байқаймын, бүгін құлқың, күлкің бөтен.
Қасқырды көргендейін қойға шапқан
Жүрегім неге сонша жұлқынды екен?..
Сатылған сезім салты салқын ба екен? –
Байқаймын, бұрынғыдан қалпың бөтен.
Қарадай қарап тұрып, қас қағымда
Неліктен қаным ішке тартылды екен?
Түріңнен секем алдым түлкідейін...
Құлқыма құрбан болған күн тілейін!
Намысты наркескендей жарқ еткізіп,
Ұятты жағадан ап сілкілейін!
Ожданның оятайын түртіп шабын,
Алайын Абыройдың сілкіп шаңын!
Көзімнің шарасына қан құйылып,
Жиылсын кірпігіме кілкіп сағым!
Аярдың қақ айырсын кебенегін –
Ұшына у жағайын селебенің!
Қасірет таңбасындай һарам тəнге
Қадалсын көзден ұшқан жебелерім!
Айрылып бас еркінен,
Бақсыға еріп,
Аранын ашқан екен нəпсі-желік.
Аһ ұрған,
Ажал тапқан аяр неме
Астында аяғымның жатсын өліп!!!



Пікірлер (0)

Пікір қалдырыңыз

Түн жарымда жазылған жыр

  • 0
  • 0

Бұл өмірдің қыр-сырын кім ұғады?
Құбылады дүние, құбылады.
Шырай беріп Шығысқа шыққан Күнім
Неге беттеп барады құбыланы?

Толық

Күн шығады күлімдеп

  • 0
  • 0

Күн шығады күлімдеп,
Күн батады күбірлеп...
Келер-кезек дүние-ай,
Кешегі бар – бүгін жоқ.

Толық

Баспагерге базына

  • 0
  • 0

Дейсің-ау: «Өлең – шығын,
өлең – шығын»
Осы ма өзекжарды өрең, шының?
Көзіме елестеді,

Толық

Қарап көріңіз

Басқа да жазбалар

Пікірлер