Өлең, жыр, ақындар

Қабірі қайда Шəмшінің, білесіңдер ме?

  • 22.07.2021
  • 0
  • 0
  • 484
Қабірі қайда Шəмшінің, білесіңдер ме?
Басына барып, бата оқып жүресіңдер ме?
Отыр ма əлде қасында қарақұс қалғып,
Жатыр ма əлде көміліп күресіндерге?
Қабірі қайда Шəмшінің, білесіндер ме?
«Кеңсайды» көзге, жұртым-ау, ілесіңдер ме?
Құрдымға қашқан судайын жоғалып, өшіп,
Жоқ, əлде оған барар жол түгесілген бе?
Қабірі қайда Шəмшінің, білесіңдер ме?
Басына шыбық барғанда тігесіңдер ме?
Жұмақтың жұмсақ жұпарын жататын бүркіп
Жанына əсем не жетсін гүл өсіргенге!
Қабірі қайда Шəмшінің, білесіңдер ме?
Тірлігі барда кім бүкпес тізесін жерге...
Қамыңды жаса, бауырым, қадірің барда,
Қашанғы қалт-құлт күн кешіп жүресің жерде.
Қабірі қайда Шəмшінің, іздедіңдер ме,
Үйде жүргенде ұмытпай, түзде жүргенде?
«Кеңсайға» Шəмші кеткелі ұқсаймыз біздер
Ұзаққа құсын ұзатқан күздегі көлге...



Пікірлер (0)

Пікір қалдырыңыз

Жолыңа қайта-қайта қарайладым

  • 0
  • 0

Жолыңа қайта-қайта қарайладым,
Татқыздың тəттi мұңның талай дəмiн...
Еркем-ау, ертегiнiң аруындай
Жүзiнен көрiнсеңшi шарайнаның.

Толық

Перiште пейiлiндей пешенелiм

  • 0
  • 0

Перiште пейiлiндей пешенелiм,
Ұйқымды шəйдай аштың неше менiң...
Кездесiп тұрайықшы кешкi əлетте
Жонында Көктөбе мен Көсегенiң.

Толық

Түн лəззəтiн таба алмай, жан құмарын

  • 0
  • 0

Түн лəззəтiн таба алмай, жан құмарын,
Сан жұлдызға көзiмдi талдырамын.
Көзiңдегi көлiңдi сарқып iшiп,
Қашан ғана шөлiмдi қандырамын?

Толық

Қарап көріңіз