Мерез

Апырай, тəубең қайда, тəубең қайда?
Алла емес,
Алтынға есің ауғандай ма?
Ынсапсыз ындыныңа ырық берсең,
Ауылы адалдықтың жауланбай ма?!
Апырай, сотың қайда, сотың қайда?
Төріңде Төбе биің отырмай ма?!
Қара бұлт - Қарымбайға қалың мал ма,
Қара жер - қағынғанға тоқымдай ма?!
Апырай, сыртың Хандай,
Ішің қандай?
Қаймана қарап тұрып қысылғандай!
Құлқыңа құлай сенсем жазығым не,
Құдайын құлша сүйген мұсылмандай?
Жастыққа тимей жүрген жар құлағы
Жапагер жарлы көңіл қан жылады.
Қанішер көз алдымнан кетпей қойды
Қандатқан аққу-қазбен қанжығаны.
Жан менен жайлап алып шер денені,
Мерт етер мені де ертең мерген оғы…
Жүре бер жұп жазбастан көлеңкеңмен,
Тірідей көміп тастап көрге мені!

---