Өлең, жыр, ақындар

Түрме

  • 22.07.2021
  • 0
  • 0
  • 622
«Бұл өмір абақты ғой саналыға»
Мағжан

Мен күнде түрмедемін, түрмедемін,
Ұқсайды күзгі күлгін гүлге реңім.
Үміттің Үркеріне иек сүйеп,
Күдіктің үйшігінде күн көремін.
Сыныққа сына қақсам сыр жасырмай,
Бір емес, халім менің күнде осындай.
Қара түн қара киген мұңдасымдай,
Қара орман қасіреттің сұлбасындай.
Ішіне құйылғасын ақ қорғасын
Ілбиді иығымда батпан басым.
Жұмағын жұт жайлаған мына жұртта
Сыр, Аму – екі көзден аққан жасым.
Түтіні түңлігінен бұрқыраған
Түрменің іші-қапас, сырты - қамал.
Жайлайды көкіректі жəдігөй мұң
Жетімдей жеті түнде шырқыраған.
Өтпейді досқа ақылым, жатқа амалым,
Жетпейді жерде тұрып Хаққа зарым.
Ақпанның аязында үсіп-тоңып,
Аптаптың алауында қақталамын!
Пенденің құны жоқта, мұңы көпте
Үміттің ұшады екен күлі көкке!
Шіркін-ай, арман бар ма, əзіз басым
Түрмеден түсер болса қылуетке…



Пікірлер (0)

Пікір қалдырыңыз

Сен менi жат көрмегiн, жат көрмегiн

  • 0
  • 0

Сен менi жат көрмегiн, жат көрмегiн,
Ащы су болған шақта «тəттi» ермегiм.
Алланың көрген емен əлiмсақтан
Ақынға басыбайлы бақ бергенiн.

Толық

Бозқараған

  • 0
  • 0

Тереземнің тұсында Бозқараған
бойжетіпті.
Көбейді көз қадаған.
Саяқ көзден сақтанып саябанда

Толық

Сүймегендер жыры

  • 0
  • 0

«Тозақ отын тəңiрiм қайтармағай» –
Деп тiлеп ем,
түстiм бе қайта аңдамай?
Сүйегiңнен өтетiн сөз қиын-ау,

Толық

Қарап көріңіз

Басқа да жазбалар