Көкірегінде көлдей тұнық мұңы бар

Көкірегінде көлдей тұнық мұңы бар
Ақын жанын сен ұқпасаң кім ұғар?
Аспанда емес,
Алты қаздың əуені
Алты қырдың ар жағынан құмығар.
Көздеріңде көлдей мөлдір мұңы бар
Ақын жанын сен ұқпасаң, кім ұғар?
Қара аспанның қарс айрылып қабағы,
Жаратқанның күні қашан жылынар?
Көмбесінде көпке жұмбақ сыры бар
Ақын жанын сен ұқпасаң кім ұғар?
Жан жұртымнан
(Жатып алмай ен жайлап)
Енді қашан ерір екен сүрі қар?..

---