Сезім сергек

Сезім сергек,
Көз көргек,
Санам ояу,
Бұлағай-ау бұл өмір,
Алағай-ау…
Жанарымның ішінде –жарық жаһан,
Қабағымның астында –қара бояу.
Бері қара,
Бəрібір, ары қара:
Қарабайыр тірліктің бəрі қара!
Қара орманның ішінде адасып жүр
Сарғалдақтай сарғайған сары бала…
Қара орманнан, өртенсе, күл қалмай ма?!
Қам-қаперсіз кешегі күндер қайда?
Қара аспанға қалықтап ұшып кетсем,
Қара жерге оралу мұң болмай ма?…

---