Өлең, жыр, ақындар

Ақылымнан болса егер айлам басым

  • 22.07.2021
  • 0
  • 0
  • 419
Ақылымнан болса егер айлам басым,
Жағдайымның сезер ме ем жəй болмасын.
Қалтылдаған қайықтай күй кештің-ау
Қалталының қасында, қайран, басым?
Бағым құнсыз,
Болғанда бағам бақыр,
Бар болмысын ақтарып заман жатыр.
Жалмауыздың аспаны еңсемді езіп,
Жəдігөйдің қос қолы жағамда тұр.
Залал қылық болмаса затында елдің
Ақ кіреуке шалар ма ақын көңілін?
Құдай сөзін құп алмай қу дүние
Ауызына қарап тұр əкімдердің.
Əрқайсысы орнатып сарайшығын,
Сарайшықтың келтірер бар айшығын.
Аралықта ақын жүр аласұрып
Ақиқаттың ашам деп қалай сырын.
Жайым бар ма жан баққан,
Дамыл тапқан?
Өлеңші мен
Ери қоймас жəй сөзге қаным қатқан.
Өлеңші мен сақтасын өлерменнен
Өле өлгенше Сарайдың сəнін баққан!



Пікірлер (0)

Пікір қалдырыңыз

«Кеңсайға» кеткім келді, кеткім келді

  • 0
  • 0

«Кеңсайға» кеткім келді, кеткім келді,
Жанына жақсылардың жеткім келді.
Көктемнен үзіп қайтем көңілімді,
Көгенге тізіп қайтем көп күндерді?..

Толық

Көктем

  • 0
  • 0

Көктем келіп қалады-ау бүгін, ертең –
Таңғы ұйқыңнан ояндың күліп, еркем.
Сағым қуған баланың қиялындай
Сағындырған даланың гүлі көркем.

Толық

Өмір, өтіп барасың қайрылмастан

  • 0
  • 0

Өмір, өтіп барасың қайрылмастан,
Өкпелідей заманға қайырым қашқан.
Жетегіңе ерем де жетімектей,
Етегіңе жармасам айрылмастан.

Толық

Қарап көріңіз