Кетпейді көзден көктем

Кетпейді көзден көктем,
Милықтан күз,
Ұйқыға шаш етектен ұйлыққанбыз!
Мал жиса ата-баба..,
Мына біздер –
Қонжиған креслоға құйрықтармыз!
Кетпейді көзден көктем,
Милықтан күз,
Ұйқыға шаш етектен ұйлыққанбыз!
Қол жиса ата-баба..,
Мына біздер –
Қонжиған креслоға құйрықтармыз!
Дегенде батпан құйрық, батпан құйрық,
Бұл неткен айдалада жатқан құйрық?
Баянсыз бақта қалар,
Тақ та қалар,
Келгенде Тəңірия жақтан бұйрық!..

---