Бақ пен бап – Исраил Сапарбай

Бақ шаппады,
Тұлпарым ақсап тағы.
Озан салып Ордаға кіретұғын
Қайран, шабыт, қайдасың жас шақтағы?
Ат келмеді...
Ұмытты бапкер нені?
Тайдағылар мəреге машықтанып,
Қайдағылар қағынып таққа өрледі...
Құлагерім!
Үміттің сыңары едің...
У сепкендей ашылды-ау жан жарасы,
Су сепкендей басылды-ау мына көңіл.
Батыраштар,
Байбатша,
Қотыраштар...
Менменсіген мейірсіз мединеде
Мен білмейтін қаншама жатыр астар?..