Өмір!

Өмір!
Өтіп барасың бұрылмастан,
Қызық қуып қыздайын Қырым қашқан.
Ашу, басу айтатын шамаң бар ма
Ағайынға иттейін ырылдасқан?
Қырық құрау жүректі,
Қырық жамау
Түңілтетін түбінде түрің бар-ау.
Қабағың бір, қайтейін, ашылмады-ау,
Назарың бір, қайтейін, бұрылмады-ау.
Қара жердің түскенше қорабына
Көз қырыңды салсаңшы «қонағыңа».
Жалғызаяқ жолымды жалғармысың
Жаһан кезген бабалар сорабына...

---